No ano 50 antes de Cristo toda a Galia foi ocupada polos romanos... Toda? non; unha pequena aldea de irredutibles galos resiste incansable ao invasor. No campamento romano próximo de Petibonum, CaiusBonus está moi enfadado porque as súas patrullas, cada vez que se atopan con algún dos habitantes do pequeno pobo galo, son derrotadas e dispersadas. Iso é debido a que os galos toman unha poción máxica que lles fai invencibles, cuxa fórmula secreta só é coñecida polo druída Panorámix. Os romanos secuestran ao druída, pero non conseguen que lles revele a fórmula secreta. Namentres, Astérix, que botou de menos a Panorámix, introdúcese no campamento romano para liberalo...