Durante anos, o quiosco foi o pequeno fogar de Olga. Unha vida monótona e rodeada de doces convertérona nunha muller tan inmensa que xa non é capaz de atravesar a saída. Para distraerse, pasa os días atendendo aos seus clientes, lendo revistas de viaxes e soñando esperta con contemplar o atardecer nunha praia afastada. Un suceso inesperado cambiará a súa vida e será o comezo dunha aventura que lle permitirá facer realidade os seus soños. Anete Melece utiliza unha técnica mixta na que destaca a expresividade dos seus personaxes e a composición das escenas, cheas de frescura e con fermosos detalles debuxados. Un álbum para todas as idades, que nos alenta a poñernos ao choio para cumprir os nosos anhelos e aproveitar ao máximo o que temos máis preto.